Ch’as dissipadu in altu cussa nue
chi donzi ghia mi che fit cuande,
in cussu chelu chi prùs non bidia.
Fit gai, tando, custa vida mia,
prena de milli dudas, chi chircande
fin calch’ispera, chena ischire inue.

Attesu mi pariat donzi gosu,
in cussu mare, in mesu ‘e sa tempesta
de sos sentidos mios atturdidos.
Attesu che fin fintzas cussos lidos
de terras ube mùidas de festa
m’istraccaian, dàndemi reposu.

Cumpàrfida mi ses in s’orizonte,
cando prùs nudda deo isettaio,
in dies troppu in presse consumidas.
E chena mi connòschere m’affidas
cust’amore, chi bider non podio
in cuss’iscuru chi tenio ‘e fronte.

E paret chi mi nànnighen sas undas
de custas abbas pàsidas chi tue
m’as ammustradu in custu mar’ ‘e penas,
ube m’abbarraian pagas renas
de sos afficos, pérdidos tottue,
chircande veridades prùs profundas.

Ma como, de sulcare custu mare
timore prùs non tenzo, ca cun tegus
subra sas undas nàvigo serenu.
Si puru in coro ‘e làstimas so prenu,
in custas abbas prùs non torro insegus,
fintzas ch’in custa vida ap’affundare.

7 settembre 2008

1°Premio alla Prima Edizione del Concorso di Poesia “Su casu” – SINDIA 18.12.2010

Traduzione in Italiano della poesia “Abbas pàsidas”

Acque calme

Come il sole all’alba della vita
ti sei affacciata in questo cuore,
riempiendolo della luce che volevo,
quando in sentieri, solo, mi smarrivo,
attraversando tutte le loro
trame, cercando un’uscita.

Hai dissolto in alto quella nube
che mi stava nascondendo ogni guida,
in quel cielo che più non vedevo.
Era così, allora, questa mia vita,
piena di mille dubbi, che cercando
stavano qualche speranza, senza sapere dove.

Lontana mi sembrava ogni gioia,
in quel mare, in mezzo alla tempesta
dei miei sentimenti storditi.
Lontani erano anche quei lidi
di terre dove rumori di festa
mi stancavano, dandomi riposo.

Mi sei comparsa all’orizzonte,
quando più nulla aspettavo,
in giorni consumati troppo in fretta.
E senza conoscermi mi affidi
questo amore, che vedere non potevo
in quell’oscurità che avevo di fronte.

E sembra che mi cullino le onde
di queste acque calme che tu
mi hai mostrato in questo mare di affanni,
dove mi restavano pochi rimasugli
delle speranze, perse dappertutto,
cercando verità più profonde.

Ma ora, di solcare questo mare
non ho più timore, perchè con te
sopra le onde navigo sereno.
Anche se il mio cuore è pieno di rimpianti,
in queste acque non torno più indietro,
finchè affonderò in questa vita.

Profilo biografico e altre poesie dell’autore in  http://www.luigiladu.it

L'aurora

Bellu e caldu
tue ti mustras
finas tundu
e risplendente
su manzanu
a s’orizonte
m’atis puru s’Avrescada
e deo totu cuntentu
naro :

-S’est ischidadu su sole
a si fagher unu giru
in s’aera luminosa!-

A bortas
giogas allegru
cun sas nues
chi su ‘entu
movet che arveghes
biancas
in sos prados
de su Chelu.
Tando faghes
su birbante
cun sos giogos
de s’ojitu
deo iseto chi aberzas
s’oju mannu
chi mi ferint
sos duos ojos
c’apo in fronte.

Cand’arrivit
mesudie
ti che pigas
che.i sas aes
in punta

a su campanile
de su chelu.

Daeboi
pendulende
cando gia calat
sa die
ti ch’etas in su mare
cun rajos
e fogos mannos.

E gai mi
leas in giru
falzu
e malu
che
in desertu s’orizonte
cun lacos e prammas
birdes.

Falzu
e malu
che matzone
istas frimmu
tota die.
Est sa terra
ch’est girende
subra a tie.

E tue
istas riende
a bugliare
non solu
a mie
ma finas
totu su mundu
sos betzos
cun sos bajanos.

Ohi su giru
de su Sole
ite bella
leada in giru.
Est su giru
de sa terra
issu riet
a mata a terra!

Traduzione dell’autore

Falso e cattivo come  la volpe

Bello e caldo
tu ti mostri
e rotondo
e risplendente
al mattino
all’rizzonte.
Mi porti
anche l’Aurora
ed io tutto felice
dico:
-Si è risvegliato il sole
a farsi un giro
nel cielo luminoso.-
A volte giochi
allegro con le nuvole
che il vento pasce
come pecore bianche
nelle praterie
del cielo.

Allora fai il birabnete
facendo l’occhiolino
io attendo che riapra
il grande occhio
che abbacinano
i due occhi
che ho in fronte.

Quando arriva
mezzogiorno
tu sali come le aquile
nel campanile
del cielo.

Più tardi
come un pendolo
quando ormai
finisce il giorno
ti getti nel mare
con raggi di fuoco.
E così mi prendi in giro
falso e malvagio
come nel deserto
il miraggio
con laghi e palme verdi.

Falso e malvagio
come volpe
stai fermo
tutto il giorno.
E’ la terra
che gira
intorno a te.

E tu
stai sghignazzando
a far scherzi
non solo a me
a tutto il mondo
sia ai vecchi
che ai giovani.

Oh, il giro del sole
che bella presa in giro!
E’ il giro della terra
e tu ridi a crepapelle:

A Gesus in allegria
totu su mundu at salvadu
Cristos s’est inzeneradu
in sas intragnas de Maria

oh Maria gloriosa
Virgine innantis de partu
e a pustis de su partu
restesit virgine e pura

cussa divina giarura
nos siet in cumpagnia
gia chi est nadu su Messia
Gesus Giuseppe e Maria.

e bona notte e bon’ annu
e bonas Pascas cumprida(s)
Deus bos diat vida
e mezus a un’àter’annu.

E sighiant cantende

Custa est una coileta
sa chi nois bos cantamus
su chi nos dades leamus
cariga saltitza o peta.

A gabbadu de cantare, sa gianna s’abberiat e sos padronos de domo daiant a sos cantadores de su chi aiant in domo. A bortas calecune non abberiat sa gianna, tando sos pitzinnos cantaiant:

Tira tira sa colora
dae su letu a su foghile,
cantu nd’azis dadu a mie
nd’apedas intro e fora.

O puru cust’àtera

In domo de Mamuscone
m’apo tesu sos pannos
trinta dimònios mannos
bos chindulent su sacone.

Cando retziant calchi cosa, a sa bessida in su jannile cantaiant custos versos pro torrare gràtzias:

gia chi nos azis regaladu
cun gustu e allegria
vivat sa cumpagnia
e totu su parentadu.

A sa matessi manera su 5 de bennarzu sos pitzinnos bessiant a cantare a sos tres res:

S’avviant sos tres res in giusta ghia
cun sos bolantes suos assistentes
un’isteddu at bessidu in Oriente
in favore a Giuseppe e Maria
e sempre ca est nadu su veru messia
chi est su Deus Onnipotente
un’isteddu at bessidu in Oriente
chi dat vida a s’anima mia.

Si nde falant dae caddu totos tres
e tzocant in sa janna beneita
nende “ Semus nois sos tres res
benimus a bos fagher s’imbisita”

S’Anghelu Gabriele ‘atende rosa(s)

pro coronare su veru Messia
Santu Giuseppe cun sa sua isposa
E duos pastoreddos a cumpagnia.

Custa est una coileta
sa chi nois bos cantamus
su chi nos dades leamus
cariga saltitza o peta.

Si sa janna s’abberiat e retziant calchi cosa, repitiant sos versos de bonas uras de s’ultima die de s’annu, e gai matessi sos de malas uras si sa janna imbaraiat tancada. Cumpridu su giru sos piseddos si partiant totu su recatu.

Cando t’ap’a lassare sola-sola,

non lasses ch’in su coro sa tristura

si let su logu de s’amore meu;

lassa ch’abbarret issu, tott’intreu,

po t’indulchire in pettus s’amargura,

contàndedi assunessi calchi fola.

E si m’as a giamare, su mudine

t’at a risponder chi prùs non bi so;

ma non prangas e non ti disisperes;

sa vida nostra mudat, ite cheres,

a bortas ti dat gosu, a bortas no,

e tottu in custa terra tenet fine.

Ma po sa die chi ch’as a sighire,

unu lettu po te ap’a chirrare

fattu solu ‘e fiores tottu ‘e seda,

po ti pasare, ca sa vida meda

t’at àer istraccadu; e consolare

t’ap’a poder, pïùs chena suffrire.

E po ti nd’ischidare ap’a sonare

cuss’antiga armonia ‘e sa bellesa

de cando custu coro at nadu “t’amo”.

E t’ap’a narrer ch’ancora ti bramo,

che’ tando, in cuss’edad’ ‘e sa cruesa

de’ sos fruttos ancora ‘e assazare.

Cun tegus ap’a currer e bolare,

toccande cun sa manu sos isteddos,

chi ruinde donadu t’an disizos,

cando po ti che frangher sos fastizos

de’ cussos tempos tristos e nieddos,

a su chelu as proadu a t’invocare.

Ma de ti nd’enner presse non de tenzas;

cun passéntzia t’apo a isettare,

carignàndedi cando ses drommida,

che cumpanza de como, in custa vida,

chena dae sos bisos t’ischidare,

po chi serena in sonnu ti mantenzas.

Giangavino Vasco

13 aprile 2008

2° Premio al 1°Concorso “Poetas in Orane” – ORANI 14 settembre 2008

Traduzione in Italiano della poesia “Cando t’apo a lassare”

Quando ti lascerò

Quando ti lascerò sola,

non lasciare che nel cuore la tristezza

prenda il posto del mio amore;

lascia che lui resti, tutt’intero,

per addolcirti nel petto l’amarezza,

raccontandoti almeno qualche fiaba.

E se mi chiamerai, il silenzio

ti risponderà che non ci son più;

ma non piangere e non disperarti;

la vita nostra cambia, che vuoi,

a volte ti da gioia, a volte no,

e tutto in questa terra ha una fine.

Ma per il giorno che mi raggiungerai,

per te metterò da parte un letto

fatto solo con fiori tutti di seta,

per riposarti, perchè molto la vita

ti avrà stancato; e consolare

ti potrò, senza più soffrire.

E suonerò, per svegliarti,

quell’antica armonia della bellezza

di quando questo cuore ha detto “t’amo”.

E ti dirò che ancora ti desidero,

come allora, in quella età della crudezza

dei frutti ancora da assaporare.

Con te correrò e volerò,

toccando con la mano le stelle,

che cadendo ti hanno regalato desideri,

quando per allontanare i fastidi

di quei tempi tristi e neri,

hai provato ad invocare il cielo.

Ma non dovrai aver fretta di raggiungermi;

ti aspetterò con pazienza,

accarezzandoti mentre dormi,

come compagna d’oggi, in questa vita,

senza svegliarti dai tuoi sogni,

affinchè possa, nel sonno, restar serena.

Profilo biografico e altre poesie in www.luigiladu.it

Como li mustras
sa cara
poi sas palas
tue li mustras,
e cando
t’andat a geniu
li mustras
finas su sinu.

 E poi
dilli dilliriende
pianu pianu
tue a su sole
mustras sa matta dae nanti
e sa matta ‘e dae segus
chi sunt tundas
che-i sa mela.

Como deo
t’ap’iscobertu
chi cando
chentu muinas
faghes innanti
a su sole
tando m’atis a beranu
cun fiores de mudeju,
e cando t’ipozas tota
a li fagher su striptis
tando m’atis
meda caldu
cun sos giogos
de istiu.

E cando
ti estis torra
e mi saludas
su sole
cun sas fozas totu grogas,
tue gia m’atis s’atunzu.

E cando mi giogas
puru a cua gua goedda
s’ierru fritu
mi propones
‘e su giru benidore.

Su ballu dilliriadu
pro a tie
est unu giogu
ma pro a mie
chi so annosu
est buglia
pius che mala.

Riende riende
mi murmutas:
- Sos tuos giros
sunt finidos!
Est ora de ti nch’andare.-

-Gia m’inch’ando
terra niedda
gia m’incando,
giradora.
E pessare ch’in sa vida
creio, chi fit su sole
a fagher su ballu tundu
e imbetze fisi tue
mattibullosa
majarza.

Tzaramonte primos de Santu Aine  2011

Issa faeddat cun totu
cun betzos e cun bajanos
sena fagher abbulotu
saludende cun sas manos

Chie la cheret isposa
Chie la cheret teraca
Paret una mariposa
Totu la cherent a faca.

No si negat  a niunu
Forsis  pro educatzione
Ma non  nd’isposat mancunu
Nen teraca a su ricone.

Toiedda est che una mela
in sa punta de sa nae
est coment’una bandela
chi perunu tocat mae

Issa est cuntenta gai
At a restare bajana
E niunu andat mai
A fagher sa serenada.

Issa est bella che-i su sole
Dat a totu meda gosu
Ma de custu non si dole (t)
At sa paghe e su reposu.

Ischit solu chi sa vida
L’at fata pro s’accerare
In carrotza est naschìda
E non podet caminare.

Non tiat tenner sensu

Non creo chi sa morte

a tottu ponzat fine,

su pruine lassande innoghe ebbia.

No est  sa nostra sorte

in s’eternu mudine,

ca s’intendet, attesu, un’armonia

chi prenat cust’aera

cun su sonu ‘e s’ispera

chi nos narat ch’in punt’ ‘e agonia,

una lughe nos ferit

chi custos ojos torra nos abberit.

Non tiat tenner sensu

cust’umana esistèntzia,

cun gosos, penas, ódiu e amore.

In custu chelu immensu

s’intendet sa presèntzia

chi faghet baliare onzi dolore.

L’amos iscrittu in chizos

chi semus tottus fizos

de chie a nois est superiore.

Sensu non tia tenner

s’esistèntzia umana a la sustenner.

Tue, pitzinnu tristu,

ch’in cussa terra antiga

ses nàschidu po viver in debbadas,

mai as connotu a Cristu,

ne una ‘oghe amiga

t’at contadu sas folas cun sas fadas.

Ma cun ojos a chelu

poder bier s’anghèlu

ch’isperas regollinde t’est cuadas,

nàndedi a che sighire

a ube tue puru as a godire.

Non tiat tenner sensu

su viver tou solu po suffrire.

Giangavino Vasco

11 aprile 2011

4°Premio ex aequo alla 52^a Edizione del “Premio Ozieri” – OZIERI 25.09.2011

Traduzione in italiano

Non avrebbe senso

Non credo che la morte

ponga fine a tutto,

lasciando qui solo la polvere.

Il nostro destino non è

nel silenzio eterno,

perchè si sente, lontana, un’armonia

che riempie questo cielo

col suono della speranza

che ci dice che, al momento dell’agonia,

ci colpisce una luce

che apre nuovamente i nostri occhi.

Non avrebbe senso

l’esistenza umana,

con gioie, dolori, odio e amore.

In questo cielo immenso

si sente la presenza

che fa sopportare ogni dolore.

È scritto sulla nostra fronte

che siamo tutti figli

di chi è a noi superiore.

Non avrebbe senso

credere nell’umana esistenza.

Tu, bambino triste,

che in quell’antica terra

sei nato per vivere inutilmente,

mai hai conosciuto Cristo,

nè una voce amica

ti ha raccontato le fiabe con le fate.

Ma con gli occhi rivolti al cielo

puoi vedere l’angelo

che speranze, nascoste, sta per te conservando,

mentre ti dice di raggiungerlo

dove anche tu potrai gioire.

Non avrebbe senso

la tua vita solo per soffrire.

Altre poesie e il profilo biografico in www.luigiladu.it

…andat lenu su sero,
sumende sàmbene,
a truncare sas trobeas
de sa notte.

Drommit sa ‘idda
chen’ischire, bisende
folas crèttidas beras.

In sos chercos muinat su ‘entu
e i sa luna riet chena sonnu
ilgiarinde riu
e muros burdos
in sa tanca.

Deris at faeddadu
unu sàbiu pilicanu
e su ‘entu at ispérdidu
sas peràulas suas
de lentore.
Cras
àteras dies
chen’ispera!
A cando s’interru
de sa rejone?

E duncas sa notte
at a esser pro semper?

S’ischiazis o frades
cantas isperas istrumadas
dae sa duda ‘e su seru
m’attruman su coro!
E cantu
e cantu cun s’isperu e s’indellettu,
“malgré la merde”  ( 1)
galu ispero!

primu de ‘ennarzu de su 2011

(1)”Malgré la merde, je crois ” Con questo ottimistico sberleffo Maurice Bérjart uno dei maggiori commediografi del XX secolo chiudeva una sua intervista sul pessimismo.

Cando su ‘entu sulat airadu
manc’una foza lassat in sa ‘ia,
e cando bi nd’abarrat un’ebbia
issa ti narat: << Sola m’ant lassadu!           

Su tempus ch’irde fia ch’est coladu
e sicca como ch’est s’ànima mia;
chi mi lasseren sola non creìa;
s’àlbure deo puru ap’azuadu. >>

 Comente custa foza abbandonada
ses tue, solu e tristu in custa etzesa.
Sa vida, ch’in su tempus ch’est colada,
manc’un’ispera t’at lassadu atzesa.

 Sa cumpanzia tua ch’est bolada
e donzi fortza in s’ànimu est arresa.
Cando su ‘entu torrat a sulare,
narabìlu: “ Cun tegus cherz’andare.”

19 agosto 2006

  2°Premio alla II Edizione del Premio di Poesia “S’isciareu” – FLUSSIO 12.12.2009

Traduzione in Italiano della poesia “Che foza sicca”

 Come una foglia secca

 Quando il vento soffia irato,
non lascia per strada neanche una foglia,
e quando ne resta soltanto una
essa ti dice: << Sola mi han lasciato!

Il tempo in cui ero verde è passato
ed ora la mia anima è inaridita;
non credevo che mi lasciassero sola
anch’io ho aiutato l’albero. >>

Così come questa foglia abbandonata,
sei tu, solo e triste in questa vecchiaia.
La vita, che col tempo è trascorsa,
non ti ha lasciata accesa neanche una speranza.

La tua compagnia è volata via
ed ogni forza, nel tuo animo, si è arresa.
Quando il vento soffierà di nuovo,
diglielo: “Voglio andare con te.”

Cenni biografici e altre poesie dello stesso autore in http://www.luigiladu.it/

Chissà si forrojende in sos alzìos,
inue sos ranzolos a iscampiàdas
s’an tessidu tramas e afficos,
pot’agattare, a oros chena biccos,
retrattos de cuddos giajos mios,
ch’in ammentos no appo
nè in fentòmos.
E l’ app’a isterrer
sas pijas ischizidas
pro ch’’ider intro
su risittu cuadu,
in prammu ‘e manu
un’iscutta  torradu
a connoscher de nou
lughe ‘ia.
E movitìa
s’ojada torr’atzesa
at’aer pro me
cun tzinnu ‘e cuntentesa,
fatendemiche sebestare inie
assimizos chi agatte
crasa in fizos.
Cun nòdidu faeddu
de  omine atzudu
m’as’a contare
de sa pelèa cumprida
pro m’iscobiàre
àndalas de giùdu
inue che sun sas abbas
chena ludu.

Giaju Sale

S’’acchiddu intostigadu
chi as lassadu
forsis m’as’apporrire
pro sighire
in cust’andare a tàmbulu
e a s’inzerta.                                                   

 Ritratti nascosti

Chissà se rovistando in vecchi armadi,
dove i ragni a più riprese
si  hanno intessuto trame con speranze,
possa trovare, coi bordi ormai smussati,
ritratti di quegli avi,
che non ho nei ricordi
nè rammèmoro.
E ridistenderò
le pieghe sbiadite
per vedervi dentro
il sorriso celato,
sulla mia mano
un attimo tornato
per rivedere ancora
luce viva.
E lievi mosse,
tornato ora  acceso,
lo sguardo avrà per me
con cenni d’allegria,
facendomi  scorgere
somiglianze che ritrovi
domani nei figli.
Con parlata nota
d’uomo ardito
mi racconterai
dell’affanno compiuto
per svelarmi
sentieri di saggezza
dove le acque sono
senza fango.
Il bastone ricurvo
che hai lasciato
forse mi porgerai
per seguitare
in questo barcollante
e incerto andare.

Maria Sale

Primo Premio alla 47.ma edizione del Premio Ozieri